پنجاب میں سینیٹ انتخاب بلامقابلہ ہونے کی اندرونی کہانی سامنے آ گئی۔
ذرائع کے مطابق بلامقابلہ انتخاب کےلئے اسپیکر پرویزالٰہی نے مرکزی کردار ادا کیا، پرویزالٰہی نے پیپلزپارٹی اور ن لیگ کی قیادت سےرابطہ کیا۔
پرویزالٰہی کا سابق صدرآصف زرداری سے فون پر رابطہ ہوا جس کے بعد پیپلز پارٹی نےپنجاب سے امیدوار واپس لیے۔
اسپیکرپنجاب اسمبلی نے ن لیگ کے اہم قائدین سےبھی رابطہ کیا اور ان رابطوں کے بعد سینیٹ کیلئے زائدامیدواروں نے کاغذات واپس لے لیے۔
پنجاب سے سینیٹ کی 7 جنرل نشستوں پر امیدوار بلامقابلہ منتخب ہوئے ہیں۔ ذرائع الیکشن کمیشن پنجاب کے مطابق کامیاب ہونے والوں میں پی ٹی آئی اور ن لیگ کے3،3 جب کہ ق لیگ کا ایک امیدوار شامل ہے۔
پنجاب سے سینیٹ کی 7 جنرل نشستوں پر امیدوار بلامقابلہ منتخب
ذرائع کا کہنا ہے کہ پی ٹی آئی کے اعجاز چوہدری، سیف اللہ نیازی اور عون عباس بلامقابلہ کامیاب ہوئے۔ ن لیگ کےعرفان صدیقی، پروفیسرساجدمیر اور افنان اللہ خان کامیاب ہوئے۔
ذرائع کے مطابق مسلم لیگ ق کے کامل علی آغا جنرل نشست پر کامیاب ہوئے۔ اس سےقبل ٹیکنوکریٹ کی 2نشستوں پرعلی ظفرایڈووکیٹ اور اعظم نذیرتارڑ کامیاب ہو چکے ہیں۔
خواتین کی 2نشستوں پر ڈاکٹر زرقا تیمور اور سعدیہ خاقان عباسی شامل ہیں۔ پنجاب میں اب سینیٹ کی نشستوں کیلئے پولنگ نہیں ہوگی۔