The news is by your side.

Advertisement

ایچ ایس وائی نے اہم راز سے پردہ اٹھادیا!

معروف ڈیزائنر ایچ ایس وائی کا کہنا ہے کہ انہوں نے گرتے بالوں کے لیے بہت ٹوٹکے کیے لیکن جب وہ سب میں ناکام رہے تو پھر انہوں نے قدرتی چیز کو ہی اپنانے کا سوچا۔

تفصیلات کے مطابق حسن شہریار یاسین نے اے آر وائی ڈیجیٹل کے پروگرام شان سحور میں میزبان ندا یاسر سے گفتگو کرتے ہوئے بتایا کہ ایک ایکسیڈنٹ کے بعد ان کے بال تیزی سے گرنا شروع ہوگئے تھے۔

انہوں نے بتایا کہ بالوں کے لیے انہوں نے بہت ٹوٹکے کیے، نقلی بال بھی چپکائے لیکن پھر وہ سب سے تنگ آگئے اور انہوں نے قدرتی چیز کو ہی رکھنے کا سوچا۔ اس کے بعد انہوں نے اپنا سر صاف کرلیا۔

ایچ ایس وائی کے مطابق اب وہ بہت سہولت سے ہیں اور لوگوں کو بالوں سے الجھتا دیکھ کر بہت ہنستے ہیں۔

انہوں نے یہ بھی کہا کہ ان کے بال اب آنا شروع ہوگئے ہیں اور ہوسکتا ہے کہ وہ اگلے کسی ڈرامہ سیریل کے لیے پھر سے بال رکھ لیں۔

Comments

یہ بھی پڑھیں