The news is by your side.

Advertisement

جھیل کنارے مچھلی کا شکار کرنے والے شخص کے ساتھ پیش آیا خوفناک واقعہ

امریکی ریاست فلوریڈا میں جھیل کنارے مچھلی کا شکار کرنے والے شخص کے ساتھ ایسا خوفناک واقعہ پیش آیا کہ اُسے اپنی جگہ سے بھاگنا پڑ گیا۔

امریکی ریاست فلوریڈا سے تعلق رکھنے والے ٹومی لی 8 مئی کو ایور گلاڈس جھیل کے کنارے مچھلی کا شکار کرنے گئے۔

انہوں نے مچھلی پکڑنے کے لیے کانٹا پانی میں پھینکا اور جب اسے واپس کھینچنا شروع کیا تو مگر مچھ اُن کا تعاقب کرتے ہوئے آگیا۔

ماہی گیر نے اس سارے منظر کی ویڈیو بنا کر انٹرنیٹ پر بھی شیئر کی۔ جس میں دیوقامت مگر مچھ کو پانی سے باہر شکاری کی طرف آتے ہوئے دیکھا جاسکتا ہے۔

مگر مچھ کو دیکھ کر پہلے تو ٹومی لی نے صورت حال کا جائزہ لیا، مگر جب اُسے مسلسل اپنی جانب پیش قدمی دیکھی تو وہ خطرے کو بھانپ گئے اور وہاں سے فرار ہوئے۔

ٹومی نے  اپنی جگہ سے ہٹنے کے بعد دوسرے راستے سے مگر مچھ کو دیکھنے پہنچے تو وہ دوبارہ پانی میں بھاگ گیا تھا۔

ٹامی نے بتایا کہ اُس مگرمچھ کی لمبائی تقریباً گیارہ فٹ تھی، جو میرا پیچھا کررہا تھا، اگر وہ تیزی سے بڑھتا یا تھوڑی دیر ہوجاتی تو صورت حال بہت مختلف ہوسکتی تھی۔

Comments

یہ بھی پڑھیں