کیلی فورنیا کے جنگلات میں خوفناک آتشزدگی کے نتیجے میں آسمان کا رنگ اچانک سرخ ہوگیا۔
غیرملکی خبررساں ادارے کی رپورٹ کے مطابق کیلی فورنیا کے جنگلات میں خوفناک آگ بھڑک اٹھی، تیز ہواؤں کے باعث آگ کو پھیلنے سے روکنے میں مشکلات کا سامنا ہے۔
تیرہ ریاستوں میں اسی مقامات پر لگی آگ سے دس لاکھ ایکڑ کا رقبہ جل کر خاکستر ہوگیا۔
رپورٹ کے مطابق تیز ہواؤں نے آگ پر قابو پانے کی جدوجہد میں مصروف فائر فائٹرز کی مشکلات میں مزید اضافہ کردیا۔
حکام نے عوام کو متاثرہ علاقوں سے دور رہنے کی ہدایت کی ہے، آگ سے متاثرہ علاقوں میں ہنگامی حالت نافذ کردی گئی ہے۔
Huge Dixie wildfire in California billows smoke and turns the sky orange pic.twitter.com/yqXb0RF5Z6
— The Sun (@TheSun) July 20, 2021
واضح رہے کہ گزشتہ سال ریاست جنوبی کیلیفورنیا کے کانیون آبی درے میں جنگلات میں ایک بار پھر سے آگ بھڑک اٹھی تھی، آگ سے فائر بریگیڈ کے 2 کارکن زخمی ہوگئے تھے۔
یہ ریاست گزشتہ چند برسوں سے وسیع پیمانے پر جنگلات میں آتشزدگی سے دو چار ہے تاہم اس برس آتشزدگی کے غیر معمولی اور ہولناک واقعات رونما ہوئے جن میں 30 افراد ہلاک ہوگئے تھے۔
سنہ 2019 کے اختتام سے ہونے والی آتشزدگیوں نے جنگلات کا 17 لاکھ ایکڑ تک کا رقبہ جل کر خاکستر ہوگیا تھا جو کیلی فورنیا کے جنگلات کا 4 فیصد حصہ تھا۔