بالی وُڈ اداکارہ ہما قریشی نے ہدایتکار انوراگ کشپ پر گانا چرانے کا الزام لگایا ہے۔
ہندوستان ٹائمز کے مطابق ہما قریشی نے فوٹو اینڈ ویڈیو شیئرنگ پلیٹ فارم انسٹاگرام پر انوراگ کشپ کی نئی فلم آلموسٹ پیار وِد ڈی جے محبت‘ کا کلپ اسٹوری پر لگاتے ہوئے کہا کہ میں امیت تریودی اور انوراگ کشپ کے خلاف مقدمہ کروں گی کیونکہ انہوں نے میرا گانا چرایا ہے۔
اس کے جواب میں انوراگ کشپ انسٹاگرام پر اداکارہ کی اسٹوری کا اسکرین شاٹلگاتے ہوئے کہا کہ ہاہاہا اور میں اسے کبھی ریلیز نہیں کروں گا۔
ہما قریشی اور انوراگ کشپ کے درمیان ان جملوں کا تبادلہ فلم کی تشہیر کے لیے مذاق پر مبنی لگ رہا ہے کیوں کہ سنہ 2012 میں ہما قریشی نے انوراگ کشپ کی فلم ’گینگز آف واسع پور‘ سے اپنے کیریئر کا آغاز کیا تھا۔
واضح رہے کہ انوراگ کشپ کی نئی فلم ’آلموسٹ پیار وِد ڈی جے محبت‘ کا ٹیزر کو 22 دسمبر کو ریلیز کیا گیا تھا۔
