شوبز انڈسٹری کی معروف اداکارہ حمائمہ ملک کا کہنا ہے کہ میری شادی 18 برس کی عمر میں ہوئی اور 20 سال کی عمر میں طلاق ہوگئی۔
شوبز انڈسٹری کی معروف اداکارہ حمائمہ ملک نے حال ہی میں پوڈ کاسٹ میں شرکت کی جس میں انہوں نے اپنی پڑھائی، شوبز کیریئر اور نجی زندگی سے متعلق گفتگو کی۔
انہوں نے کہا کہ مجھے 20 برس کی عمر فلم کے سیٹ پر پہلی طلاق ہوئی تھی مجھ سے کہا گیا تھا کہ فلم چھوڑ دو
لیکن میں نے انکار کردیا تھا۔
حمائمہ ملک نے تعلیم سے متعلق انکشاف کیا کہ پڑھائی کا شروع سے شوق نہیں تھا اور وہ کبھی ذہین طالبہ نہیں رہیں۔
اداکارہ نے پرائمری تعلیم کا واقعہ سناتے ہوئے کہا کہ وہ تین بار کلاس میں فیل ہوگئی تھیں اور بعد میں انہیں اگلی
کلاس میں ترقی دے دی گئی تھی۔
انہوں نے کہا کہ ’میری بچپن سے یہ خواہش تھی کہ بڑی ہوکر مقابلہ حسن جیتوں اور اس کے لیے اپنی جیتنے والی تقریر کی پریکٹس بھی کرتی تھی۔
حمائمہ ملک نے کہا کہ آج بچپن کو واپس لانا چاہتی ہوں کیونکہ بچپن یاد ہی نہیں اب میں شاعری کرلیتی ہوں انگلش بھی پڑھ لیتی ہوں لیکن میتھا میٹکس مجھے ابھی تک نہیں آتی تاہم آج جو کچھ بھی ہو وہ والدین اور اپنوں کی دعاؤں کی بدولت ہوں۔
اداکارہ کا کہنا تھا کہ ’شوبز کیرئیر کا آغاز 14 سال کی عمر میں ماڈلنگ سے کیا زیادہ عرصہ باہر رہی، بچپن میں اگرچہ کبھی اسکول نہیں گئی، یونیورسٹی جانے کا بہت شوق تھا لیکن جب میں لمز پنجاب یونیورسٹی گئی تو میں نے سوچا اللہ نے مجھے یہاں کیلئے رکھا تھا لیکن اس بات کو تسلیم کرتی ہوں کہ تعلیم بہت اہم ہتھیار ہے‘۔
واضح رہے کہ حمائمہ ملک نے 2014 میں بالی ووڈ فلم راجہ نٹور لال میں عمران ہاشمی کے ساتھ اداکاری کے جوہر دکھائے تھے۔
اداکارہ حمائمہ ملک معروف اداکار فیروز خان اور ٹی وی میزبان دعا ملک کی بڑی بہن ہیں۔
