The news is by your side.

Advertisement

باربی ڈول بننے کیلیے خاتون نے چہرے کے ہر انچ پر انجیکشن لگوالیے

لندن: مشہور زمانہ فیشن ڈول’ باربی‘ سے دیوانگی کی حد تک محبت کرنے والی برطانوی خاتون نے خود کو پلاسٹک جیسی باربی ڈول بنانے کے لیے چہرے کے ہر انچ پر انجیکشن لگوا لیے۔

49 سالہ راچل ایوانس نے پلاسٹک باربی ڈول جیسی خود کو بنانے کے لیے 100 سے زائد طریقہ کار پر 35 ہزار پاؤنڈ سے زائد خرچ کر ڈالے۔

خاتون نے وضع قطع میں تبدیلی کے لیے پہلی ٹرانسفورمنگ 30 سال کی عمر میں کروائی اور حقیقت کے رنگ بھرنے کے لیے اب تک وہ اس عمل کو جاری رکھے ہوئے ہے۔

خاتون کا کہنا ہے کہ میں سو فیصد سرجری کی عادی ہوچکی ہوں، میں خود کو باربی ڈول جیسا بنانے کے لیے کبھی نہیں رکنے والی چاہے 80 سال ہی کیوں نہ لگ جائیں اور ان مراحل کو خوش اسلوبی سے طے کرنے کے لیے پرجوش ہوں۔

راچل ایوانس کے مطابق وہ خود کو جلدی سے بڑھا ہوتے دیکھنا چاہتی ہیں کیونکہ بڑھاپے میں خود کو جوان کرنے کے لیے زیادہ محنت اور نئے نئے طریقہ اختیار کرنے پڑتے ہیں اور یہ جذبہ میرے حوصلوں کو ہمیشہ جواں رکھے گا۔

Comments

یہ بھی پڑھیں