میکسیکو : امریکہ جانے والے ایک پارسل سے انسانی کھوپڑیاں برآمد ہوئیں جس کے بعد میکسیکو ایئرپورٹ پر مسافروں میں خوف و ہراس پھیل گیا۔
اس حوالے سے غیر ملکی خبر رساں ادارے کی رپورٹ کے مطابق مقامی حکام نے بتایا ہے کہ میکسیکو کے ہوائی اڈے پر ایک پارسل کے اندر سے چار انسانی کھوپڑیاں برآمد ہوئی ہیں۔
خبر کے مطابق مذکورہ پارسل ایک کورئیر کمپنی کے ذریعے امریکہ بھیجا جارہا تھا، میکسیکو نیشنل گارڈ کے مطابق انسانی کھوپڑیاں ایک گتے کے ڈبے میں رکھی ہوئی تھیں جن پر باقاعدہ ایلمونیئم کا ورق لپیٹا گیا تھا۔
Durante inspecciones en empresas de paquetería y mediante un equipo de rayos X, la #GuardiaNacional detectó en el Aeropuerto Intercontinental de #Querétaro, cuatro cráneos aparentemente de origen humano, envueltos en plástico transparente y papel aluminio, sin registro sanitario. pic.twitter.com/RPNdhIoKwe
— Guardia Nacional (@GN_MEXICO_) December 30, 2022
اس پارسل کو مغربی ساحلی ریاست میچوواکین سے بھیجا گیا تھا جسے امریکی ریاست جنوبی کیرولائنا بھیجا جا رہا تھا۔
ذرائع کے مطابق مقامی حکام کا کہنا ہے کہ انسانی باقیات کی دوسرے ملک منتقلی کیلئے متعلقہ محکمہ صحت سے خصوصی اجازت نامہ درکار ہوتا ہے جو نہیں لیا گیا تھا۔
