The news is by your side.

Advertisement

اقوام متحدہ کی جنرل اسمبلی میں روبوٹک حسینہ صوفیا کی دھوم

نیویارک : اقوام متحدہ کی جنرل اسمبلی میں روبوٹک حسینہ صوفیا نے دھوم مچادی ، روبوٹ نے ارکان سے خوب مزے مزے کی باتیں کیں۔

تفصیلات کے مطابق نیو یارک میں اقوام متحدہ کے ٹیکنالوجی کے اجلاس میں روبوٹک حسینہ چھا گئی، ڈپٹی سیکریٹری جنرل نے صوفیہ سے سوالات کئے ،جواب سن کر سب دنگ رہ گئے۔

ڈپٹی سیکریٹری جنرل سے بات چیت میں صوفیہ نے سائنس فکشن کے معروف ناول نگار ولیم گبسن کی کتاب میں اس کا حوالہ پیش کیا اور کہا کہ وہ انسانوں کی مدد کرنا چاہتی ہیں اور مستقبل کو بہتر بنانے میں اہم کردار ادا کرنا چاہتی ہیں، اگر ہم ذہین بننا اور کامیابی حاصل کرنا چاہتے ہیں تو ہمیں مصنوعی ذہانت کو استعمال کرتے ہوئے روبوٹس کی مدد سے وسائل کی مساوی تقسیم کرنا ہوگی۔

ڈپٹی سیکریٹری جنرل امینہ محمد کا اپنے خطاب میں کہنا تھا کہ انسانوں کو ہمارے معاشروں پر ٹیکنالوجی کے اثرات کا تعین کا کرنا ہے، مشینوں کو نہیں، ٹیکنالوجی صرف اس لئے ہے کہ ہم اسکا استعمال کرکے فائدے کی بات کریں۔

کمسن حسینہ صوفیا نامی روبوٹ نے دلچسپ باتیں کر کے سب سے داد لی۔


مزید پڑھیں : صدر ٹرمپ سے بہتر کام کرنے والا روبوٹ


اس سے قبل مقبول ترین امریکی ٹی وی شو دا ٹونائٹ شو میں شرکت کے دوران صوفیا نے میزبان جمی فیلن سے نہایت پر مزاح اور دلچسپ گفتگو کی تھی۔

خیال رہے کہ صوفیا نامی روبوٹ سوئس ماہرین نے تیار کیا ہے، ماضی کی مشہور ہالی ووڈ اداکارہ آڈرے ہپ برن سے مماثلت رکھنے والی صوفیا نامی یہ روبوٹ انسانوں کی گفتگو پر تاثرات ظاہر کرنے کی صلاحیت رکھتی ہے۔

مصنوعی ذہانت کی حامل صوفیا کے چہرے کے تاثرات کی تبدیلی کے لیے اس کے اندر 60 قسم کے مکینزم نصب کیے گئے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں