کراچی : پاکستان شوبز انڈسٹری کی مشہور و معروف اداکارہ ثروت گیلانی نے بتایا کہ ایک بار شوٹنگ کے دوران اداکار ہمایوں سعید نے کھانے پر ٹوکا۔

مقامی نجی ٹی وی چینل کے پروگرام میں بحیثیت مہمان گفتگو کرتے ہوئے ثروت گیلانی کا کہنا تھا کہ ایک مرتبہ میں اور ہمایوں سعید ڈرامے کی شوٹنگ کررہے تھے کہ کھانے کا ٹائم ہوگیا تو ہمایوں نے پوچھا کہ آپ کھانے میں کیا پسند کریں گی؟

جس کے جواب میں میں نے کہا کہ بریانی منگوالیں، جب ایک دو دن گزر گئے تو ہمایوں نے ازراہ مذاق کہا کہ اب ثروت سے کوئی نہ پوچھے یہ سستے کھانے کھاتی ہے یہ ہم کو بھی ایسا ہی سمجھتی ہے اور اس کی پہنچ بھی یہیں تک ہے۔

ثروت گیلانی نے بتایا کہ جب میں کہیں بیرون ملک ہوتی ہوں تو کھانے کیلئے پاکستانی یا انڈین ریسٹورنٹس ڈھونڈتی ہوں کیونکہ جو ذائقہ اور لذت ہمارے کھانوں میں ہے وہ کہیں نہیں۔

Comments