لاہور : پی ٹی آئی کے مرکزی رہنما اور سابق وفاقی وزیر ہمایوں اختر خان باقاعدہ پاکستان استحام پارٹی میں شامل ہوگئے۔
تفصیلات کے مطابق پاکستان تحریک انصاف کو سیاسی محاز پر بڑا دھچکہ لگا، لاہور سے تعلق رکھنے والے پی ٹی آئی کے مرکزی رہنما اور سابق وفاقی وزیر ہمایوں اختر خان کا آئی پی پی میں شامل ہوگئے۔
اس موقع پر علیم خان نے ہمایوں اخترکوآئی پی پی میں شمولیت پرمبارکباد دیتے ہوئے کہا ہمایوں اختر آئی پی پی کےپلیٹ فارم سے سیاست جاری رکھیں گے اور آئی پی پی کو مضبوط کریں گے۔
جہانگیرترین نے ہمایوں اختر کے آئی پی پی میں شمولیت اختیار کرنے پر خوشی کا اظہارکیا۔
اس سے قبل ذرائع نے بتایا مایوں اختر آج دوپہر تین بجے پریس کانفرنس میں جہانگیر ترین اور عبدالعلیم خان کے ہمراہ آئی پی پی میں شامل ہونے کا اعلان کریں گے۔
ذرائع کا کہنا ہے کہ جہانگیرترین ، اسحق خاکوانی ،عون چوہدری نے دو روز قبل ہمایوں اختر سے انکی رہائشُ گاہ پر ملاقات کی تھی، جس میں آئی پی پی کی قیادت نے ہمایوں اختر کو پارٹی میں شمولیت کی دعوت دی۔
ہمایوں اختر نو مئی کے واقعات کے بعد کچھ عرصہ قبل تحریک انصاف کو چھوڑ چکے ہیں جبکہ ماضی میں ہمایوں اختر ن لیگ ق لیگ کا حصہ بھی رہ چکے ہیں.
