The news is by your side.

Advertisement

مبینہ ویڈیو کے فرانزک آڈٹ سے دودھ کا دودھ اور پانی کا پانی ہو جائے گا، ہمایوں اخترخان

لاہور: پاکستان تحریک انصاف کے رہنما ہمایوں اختر خان کا کہنا ہے کہ مسلم لیگ (ن) اپنی کرپشن سے توجہ ہٹانے کے لیے عوام کی آنکھوں میں دھول جھونکنے کی ناکام کوشش کر رہی ہے۔

تفصیلات کے مطابق پاکستان تحریک انصاف کے رہنما ہمایوں اختر خان نے کہا کہ ماضی میں عدالتوں پر کن لوگوں نے حملے کیے اور کن کی ٹیپس منظر عام پر آئیں قوم اس سے بخوبی آگاہ ہے۔

انہوں نے کہا کہ مسلم لیگ (ن) نے جو مبینہ آڈیو،ویڈیو جاری کی ہے اس کے فرانزک آڈٹ سے دودھ کا دودھ اور پانی کا پانی ہو جائے گا۔

ہمایوں اختر خان نے کہا کہ مسلم لیگ (ن) اپنی کرپشن سے توجہ ہٹانے کے لیے عوام کی آنکھوں میں دھول جھونکنے کی ناکام کوشش کر رہی ہے۔

انہوں نے کہا کہ سابقہ دور میں عوام کے مسائل حل کرنے کی بجائے اپنی انا کی تسکین کے لیے منصوبے مکمل کیے گئے اور عوام کو زندگی کی بنیادی سہولیات بھی میسر نہیں تھیں۔

تحریک انصاف کے رہنما نے کہا کہ انشا اللہ نئے بلدیاتی نظام کے تحت اداروں کے قیام کے بعد عوام کے مسائل ان کی دہلیز پر حل ہوں گے۔

مریم نواز احتساب عدالت کے جج کی مبینہ ویڈیو سامنے لے آئیں

یاد رہے کہ گزشتہ روز مسلم لیگ ن کی نائب صدر مریم نواز نے اپنے والد اور پارٹی قائد نوازشریف کے خلاف احتساب عدالت کے کیس میں جج ارشد ملک کی خفیہ کیمرے سے بنی مبینہ ویڈیو سامنے لائی تھیں۔

Comments

یہ بھی پڑھیں