پاکستانی فلموں اور ڈراموں کے سینئر اداکار ہمایوں سعید نے ایک بار پھر عمرے کی سعادت حاصل کرلی۔
ہمایوں سعید نے آج اپنے انسٹا گرام اکاؤنٹ سے تصاویر پوسٹ کر کے مداحوں کو عمرے کی سعادت حاصل کرنے کی خوشخبری سنائی۔
انہوں نے تصاویر کے کیپشن میں لکھا: ’الحمد اللہ، اللہ پاک نے مجھے ایک بار پھر اپنے گھر بلایا اور میں نے عمرے کی سعادت حاصل کرلی۔‘
اداکار نے لکھا کہ میں نے تمام دوستوں، خاندان اور آپ سب کے لیے دعائیں کیں، اللہ ہم سب پر اپنی رحمتیں نازل فرمائے، وہ ہم سب پر اپنی محبتوں کی بارش کرے، وہ ہمیں اور ہمارے پاکستان کو ہر شر سے محفوظ رکھے۔
View this post on Instagram
ہمایوں سعید کے تصاویر پوسٹ کرتے ہی مداحوں کی جانب سے مبارکبادوں کا تانتا بندھ گیا۔ انہیں نامور شوبز شخصیات نے بھی مبارکباد پیش کی۔
