کراچی: محکمہ موسمیات کا کہنا ہے کہ کراچی میں آج سمندری ہوائیں بند ہونے کے باعث دن میں گرمی اور حبس ہوگا۔
تفصیلات کے مطابق ملک کے بیش تر حصوں میں آج موسم خشک رہے گا جب کہ پہاڑی علاقوں میں ہلکی بارش کا امکان ہے، کراچی میں بھی آج موسم گرم اور خشک رہے گا۔
محکمہ موسمیات کے مطابق مظفر آباد اور گلگلت بلتستان میں ہلکی بارش کا امکان ہے، جب کہ اسلام آباد، لاہور، پشاور، کراچی اور کوئٹہ میں مطلع صاف رہے گا۔
- Advertisement -
کراچی شہر کا موجودہ درجہ حرارت 23 ڈگری سینٹی گریڈ ہے، 8 کلو میٹر فی گھنٹہ کی رفتار سے ہوا چل رہی ہے، آج درجہ حرارت 33 سے 35 ڈگری سینٹی گریڈ تک رہے گا۔
محکمہ موسمیات کا کہنا ہے کہ شہر میں بارش کا کوئی امکان نہیں ہے۔
