ویسے تو ہر پرندہ اپنی الگ خوبصورتی رکھتا ہے تاہم حال ہی میں انٹرنیٹ پر ایک رنگ بدلتے پرندے کی ویڈیو بے حد وائرل ہورہی ہے۔
یہ ویڈیو ہمنگ برڈ کی ہے جس دنیا کا سب سے چھوٹا پرندہ قرار دیا جاتا ہے، یہ پرندہ عموماً 7 سے 13 سینٹی میٹر کی جسامت رکھتا ہے۔
اس کی ایک قسم نہایت خوبصورت رنگوں کی حامل ہوتی ہے اور اسے رنگ بدلنے والا پرندہ بھی کہا جاتا ہے، مذکورہ ویڈیو اسی پرندے کی ہے جس میں وہ ہر لمحہ اپنا رنگ بدل رہا ہے۔
ویڈیو میں ایک شخص کے ہاتھ پر بیٹھے پرندے کے سر کا رنگ گلابی اور جامنی سا ہے لیکن جیسے ہی وہ اپنا سر گھماتا ہے اس کا رنگ سیاہ اور جامنی ہوجاتا ہے۔
From #BirdMonday
Hummingbird showcases reflective feather colour changes. pic.twitter.com/yICKE6uqfw— Crash MacDuff🏴⚔️【ツ】 (@___MacDuff___) June 7, 2022
بار بار سر گھمانے پر ہر لحظہ اس کے سر کے بالوں کا رنگ تبدیل ہورہا ہے۔
ماہرین کے مطابق اس پرندے کے پروں پر کیراٹین کی ایک اضافی تہہ ہوتی ہے جس کی وجہ سے اس کے پر اور بال نہایت خوبصورت اور چمکدار ہوتے ہیں۔
سوشل میڈیا صارفین اس پرندے کی خوبصورتی دیکھ کر نہایت حیران ہیں۔
