پاکستان نژاد اسکاٹ لینڈ کے فرسٹ منسٹر حمزہ یوسف غزہ میں پھنسے رشتہ داروں کیلئے پریشان ہیں، ان کا کہنا ہے کہ ڈر ہے کہ اسرائیل غزہ کو مکمل ختم کرنے جارہا ہے۔
تفصیلات کے مطابق اسکاٹ لینڈ کے پاکستانی نژاد فرسٹ منسٹرحمزہ یوسف کی اہلیہ غزہ میں اپنے رشتہ داروں سمیت پھنس گئیں، حمزہ یوسف کی اہلیہ نادیہ کا تعلق فلسطینی خاندان سے ہے۔
حمزہ یوسف کا کہنا ہے کہ ان کے سسرالی غزہ میں پھنس گئے ہیں ان کےپاس کہیں جانے کی جگہ نہیں، غزہ کے شہریوں کا حماس سے تعلق نہیں۔
فرسٹ منسٹر نے کہا کہ اسرائیل نے غزہ میں ہر ایک کو نکل جانے کا کہا ہے ،ڈر ہے کہ اسرائیل غزہ کو مکمل ختم کرنے جارہا ہے۔
انھوں نے بتایا کہ برطانوی دفتر خارجہ کی کوششوں کے باوجود کوئی اپنے رشتہ داروں کونکال نہیں سکا، غزہ میں اپنے خاندان کے بارے میں فکرمند ہوں۔
یاد رہے پاکستانی نژادحمزہ یوسف مارچ میں اسکاٹ لینڈ کے فرسٹ منسٹر بنے تھے۔
