سو سال پرانی اس تصویر کے راز سے جو بھی شخص واقف ہوتا ہے، اس کے رونگٹے کھڑے ہو جاتے ہیں۔
یہ تصویر ایک صدی قبل لی گئی تھی، جلد ہی لوگوں کو اس کے دہشت ناک راز کے بارے میں معلوم ہو گیا، اور لوگ اسے جب بھی دیکھتے ان کے رونگٹے کھڑے ہو جاتے۔
آخر اس تصویر میں ایسا کیا راز چھپا ہے جس کو دیکھ کر لوگوں کے رونگٹے کھڑے ہو جاتے ہیں؟ دراصل یہ تصویر 1919 میں پہلی جنگ عظیم میں حصہ لینے والے برطانوی فضائیہ کے فوجیوں کی ہے۔
اس تصویر کی مشہوری کی وجہ اصل میں اس میں سب سے اوپری قطار میں کھڑے فوجیوں میں بائیں جانب سے چوتھے نمبر پر موجود ایک ایئر مین کھڑا ہے۔
غور سے دیکھنے پر فضائی آفیسر کے پیچھے ایک چہرہ جھانکتا ہوا نظر آ رہا ہے، جو کہ غیر معمولی تو نہیں مگر خوف میں مبتلا کر دینے والا ہے، کیوں کہ وہ اس تصویر کو لینے سے 2 دن قبل مر چکا تھا۔
اس شخص کا نام فریڈی جیکسن تھا جو کہ ایئر میکینک تھا اور تصویر لینے سے 2 دن قبل ایک حادثے میں جاں بحق ہو گیا تھا، جب کہ تدفین اس روز ہوئی جب یہ تصویر کھینچی گئی۔