حیدر آباد میں پیپلز پارٹی کے سیکڑوں امیدوار بلامقابلہ کامیاب

بلدیاتی الیکشن سے چند گھنٹے قبل حیدر  آباد کی 160 یونین کمیٹیوں میں سے 31 میں پیپلز پارٹی کے امیدوار بلامقابلہ کامیاب ہوگئے۔

ضلع ریٹرننگ افسر نے بلامقابلہ کامیاب ہونے والے امیدوار کے نوٹیفکیشن جاری کر دیے ہیں۔ حیدر آباد ضلع کے مختلف حلقوں میں 11 امیدواروں کی وفات کے باعث الیکشن نہیں ہوں گے۔

سابق چیئرمین قاسم آباد میونسپل کمیٹی کاشف شورو بلامقابلہ کامیاب ہو چکے ہیں۔ حیدر آباد کی میئر شپ کے لیے 81 یونین کمیٹیوں پر اکثریت درکار ہے جبکہ پیپلز پارٹی کو حیدر آباد کی میئرشپ کے لیے 50 یونین کمیٹیوں پر کامیابی درکار ہے۔

حیدر آباد کے بلدیاتی الیکشن نتائج سے آصف علی زرداری اور بلاول بھٹو کو خوشخبری سنا دی گئی۔

Comments