غزہ میں خوراک کی کمی کو غذائیت کا بحران اور وسیع تر انسانی تباہی قرار دیدیا گیا۔
یواین آرڈبلیواے کا کہنا ہے کہ غزہ میں 90 فیصد آبادی کو خوراک کی کمی کا سامنا ہے بھوک کےستائےٹرکوں کے راستوں پر ڈیرے لگائے بیٹھے ہیں۔
ادارے نے کہا کہ 2 سال سے کم عمر بچے بھوک اور بیماریوں کی وجہ سے مر رہے ہیں جولوگ اسرائیلی بمباری سے بچ رہے ہیں وہ بھوک سےمر رہے ہیں۔
عالمی ادارہ صحت (ڈبلیوایچ او) کے سربراہ نے غزہ میں غذائی قلت پر امداد کی اپیل کر دی۔ سربراہ ڈبلیوایچ او کا کہنا ہے کہ بچےجو بمباری سےبچ گئے لیکن قحط سےنہیں بچ سکتے غزہ کےلیے مزید امداد کی اجازت اور جنگ بندی کی جائے۔
فلسطینی وزارت صحت نے غزہ میں بھوک سے مزید 18 افراد کی شہادت کی تصدیق کی ہے۔
