سمندری طوفان ’بیرل‘ مزید شدت اختیار کر گیا ہے، طوفان نے یونین آئی لینڈ کو تباہ کر دیا ہے۔
شمالی کیریبین میں سمندری طوفان بیرل نے تباہی مچا دی، بیرل کو کیٹیگری 5 کا طوفان قرار دیا جا رہا ہے، جس نے نظام زندگی کو بری طرح متاثر کیا ہے۔
سینٹ ونسنٹ یونین آئی لینڈ میں ہر سو تباہی ہی تباہی پھیلی ہے، جزیرے کی ہر عمارت مکمل تباہ ہو گئی ہے، طوفان کے گزرنے کے بعد یونین جزیرہ ایک خوف ناک حالت میں ہے۔
نیشنل ہریکین سینٹر کے مطابق طوفان کے سبب جمیکا کے دارالحکومت کنگسٹن کے قریب ساحلی علاقوں میں 250 کلومیٹر فی گھنٹہ کی رفتار سے ہوائیں چل رہی ہیں۔
تیز ہواؤں کے جھکڑ سمیت طیارے کے بھی ڈولتے ہوئے منظر کیمرے کی آنکھ نے محفوظ کر لیے، طوفان کی وارننگ کے سبب مشرقی جزائر میں لوگوں نے اشیائے خور و نوش کا ذخیرہ کر لیا ہے، جب کہ حکام نے ساحلی آبادی کو احتیاط برتنے کی ہدایت کی ہے۔
