The news is by your side.

Advertisement

امریکا میں طوفان نیٹ کی تباہ کاریوں کے بعد بحالی کا کام جاری

واشنگٹن: امریکا کی جنوبی ریاستوں میں طوفان نیٹ کی تباہ کاریوں کے بعد بحالی کا کام جاری ہے۔ طوفان کے باعث مختلف حادثات میں ہلاکتوں کی تعداد 31 ہوگئی۔

تفصیلات کے مطابق امریکا کے لیے سال 2017 قدرتی آفات کے حوالے سے بدترین ثابت ہوا اور یکے بعد دیگرے 4 طوفانوں نے امریکی ریاستوں کو تباہی سے دو چار کردیا۔

بحیرہ اوقیانوس میں آنے والے طوفانوں ہاروی، ارما اور ماریا کے بعد نیٹ طوفان نے امریکا کی جنوبی ریاستوں میں تباہی مچادی۔

مزید پڑھیں: مشرق سے مغرب تک تباہ کن سیلاب اورطوفان، یا الٰہی یہ ماجرا کیا ہے؟

طوفان کے باعث درخت جڑوں سے اکھڑ گئے، سڑکیں دریا بن گئیں جبکہ مواصلات اور بجلی کا نظام درہم برہم ہوگیا۔

امریکی ریاستوں الباما، لوزیانا اور مسی سپی میں نظام زندگی مفلوج ہوگیا۔ طوفان سے متاثرہ علاقوں میں بحالی کے لیے کارروائیاں جاری ہیں۔ لوگ اپنی مدد آپ کےتحت بھی بحالی کا کام کر رہے ہیں۔

طوفانی ہواؤں، موسلا دھار بارشوں اورسڑکوں کے تالاب بن جانے سے لوگوں کو مشکلات کا سامنا ہے جبکہ کئی سڑکوں میں ہولناک گڑھے بھی پڑ چکے ہیں۔ 1 لاکھ سے زائد صارفین بجلی سے محروم ہیں۔

ریاست مسی سپی میں دریا کی سطح بلند ہونے کے باعث قریبی علاقوں میں ایمرجنسی نافذکردی گئی ہے۔ امریکی محکمہ موسمیات نے سمندری طوفان سے فلوریڈا کے بھی متاثر ہونے کا خدشہ ظاہر کیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں