کب تک ہم یہ دن منائیں گئے، کشمیریوں کو اب آزادی ملنی چاہیے، مشعال ملک

اسلام آباد: حریت رہنما یاسین ملک کی اہلیہ نے کہا کہ کب تک ہم یہ دن منائیں گئے، کشمیریوں کو اب آزادی ملنی چاہیے۔

یوم یکجہتی کشمیر پر حریت رہنما یاسین ملک کی اہلیہ نے ویڈیو  پیغام میں کہا کہ گزشتہ 30 سالوں سے پاکستانی قوم بھارتی افواج کے ظلم و جبر کے شکار کشمیریوں سے اظہار یکجہتی کا دن منا رہی ہے لیکن گزشتہ 75 سالوں سے بھارت مظالم کی نئی داستان رقم کررہا ہے۔

مشعال ملک نے کہا کہ آج تک لاکھوں کشمیری تحریک آزادی کے لیے اپنی جان کا نظرانہ پیش کرچکے ہیں، کشمیریوں کا ایک ہی مطالبہ ہے انہیں حق خودارادیت دیا جائے۔

مشعال ملک نے کہا کہ ہر سال پاکستانی عوام کی جانب سے ایک مضبوط پیغام دنیا کو دیا جاتا ہے، لیکن کب تک ہم یہ دن منائیں گئے، کشمیریوں کو اب آزادی ملنی چاہیے۔

مشعال ملک نے مزید کہا کہ دنیا عالمی عدالت میں بھارت سےکشمیریوں کی نسل کشی پر جواب مانگے۔

Comments