لاہور: لاہور میں افسوسناک واقعہ پیش آیا ہے، جہاں میاں بیوی کو قتل کردیا گیا ہے۔
پولیس کے مطابق تھانہ سبزہ زار کی حدود میں میاں بیوی کو قتل کردیا گیا ہے، دونوں کو تیز دھار آلے سے گھر میں گھس کر قتل کیا گیا، مقتولین کی شناخت سید انیس الدین اور ناصرہ بی بی کے ناموں سے ہوئی ہے۔
پولیس کا کہنا ہے کہ میاں بیوی کو رسیوں سے باندھنےکےبعدقتل کیاگیا، لاشوں کو ضابطے کی کارروائی کے لئے اسپتال منتقل کردیا گیا ہے جبکہ جائیداد کے تنازعہ اور ڈکیتی مزاحمت سیمت دیگر پہلوؤں پر تفتیش شروع کردی گئی ہے۔
دوسری جانب آئی جی پنجاب نے سبزہ زار میں میاں بیوی کے قتل کے واقعہ کا نوٹس لیتے ہوئے سی سی پی او لاہور سے واقعہ کی رپورٹ طلب کر لی اور ملزمان کو جلد از جلد گرفتار کر کے سخت قانونی کارروائی کا حکم دیا ہے۔
Comments
- Advertisement -
