بھارت میں شرمندگی سے بچنے کے لیے شوہر نے اولاد نہ ہونے پر بیوی کا قتل کردیا۔
یہ واقعہ بھارت ریاست مہاراشٹر میں پیش آیا، جہاں شوہر نے اپنی بیوی کو اس لیے قتل کردیا کیوں کہ ان کی اولاد نہیں ہورہی تھی۔
بھارتی میڈیا کے مطابق کشور نامی شخص کے گھر شادی کے کئی سال گز جانے کے بعد جب اولاد نہیں ہوئی تو دونوں علاج کے لیے ایک چھوٹے سے گاؤں جالنہ گئے اور وہیں رہنے لگے۔
مقامی پولیس کے مطابق دوران تفتیش معلوم ہوا کہ 4 ماہ قبل دونوں نے ڈاکٹر سے چیک اپ کروایا، کیشور کی رپورٹ صحیح نہیں آئی جس کی وجہ سے وہ پریشان رہنے لگا، بیوی نے گاؤں واپس جانے کی ضد کی تو دونوں کے درمیان جھگڑا ہوا۔
کیشور نے موقعے کا فائدہ اٹھاتے ہوئے آدھی رات میں بیوی اندوبائی کے سر پر تیز دھار آلے سے حملہ کیا جس سے اس کی موت واقع ہوگئی، اس کے بعد ملزم گھر کا دروازہ باہر سے بند کرکے فرار ہوگیا۔
پالیس کے مطابق کیشور قتل کرنے کے بعد فرار ہوگیا تھا لیکن اسے کچھ ہی گھنٹوں میں گرفتار کر لیا گیا۔
