فورٹ عباس: بہاولنگر میں ایک افسوسناک واقعہ پیش آیا ہے جہاں شوہر نے فائرنگ کرکے بیوی اور بیٹی کو قتل کردیا۔
تفصیلات کے مطابق بہاولنگر کی تحصیل فورٹ عباس کھچی والا میں شوہر نے فائرنگ کرکے بیوی اور بیٹی کو قتل کردیا، ریسکیو حکام کا کہنا ہے کہ ملزم نے بیوی اور بیٹی کو قتل کرنے کے بعد خودکشی کرلی۔
ریسکیو حکام کا کہنا ہے کہ واقعہ گھریلو جھگڑے کے باعث پیش آیا، مزید تحقیقات کی جارہی ہے۔
- Advertisement -
اس سے قبل گوجرانوالہ میں غربت سے تنگ شوہر نے بیوی کو قتل کر کے نہر میں چھلانگ لگا دی تھی۔
پولیس کے مطابق ماں کو بچانے کی کوشش میں بیٹا بھی زخمی ہو گیا، پولیس کا اس حوالے سے کہنا تھا کہ بیوی کو قتل کرنے کے بعد ملزم نے نہر میں چھلانگ لگا دی، ملزم کی لاش کو نہر سے نکال لیا ہے۔
بیٹے نے پولیس کو بیان دیتے ہوئے کہا کہ غربت کی وجہ سے ماں باپ میں جھگڑا رہتا تھا۔
