اسلام آباد : شریف خاندان کا ایک نیا بیان سامنے آ گیا۔ سپریم کورٹ میں پیش قطری شہزادے کے خط میں پارک لین کے چار فلیٹ میں سے ایک کا نمبر سولہ اے۔ جبکہ حسین نواز کا دعویٰ ہے کہ سولہ اے نمبر کا کوئی فلیٹ ہی نہیں ہے۔
تفصیلات کے مطابق حسین نواز کا ایک اوربیان بے نقاب ہوگیا۔ سپریم کورٹ میں پیش کیے گئے قطرکے شہزادے کا خط کچھ اور ہی کہانی سنا رہا ہے۔
مذکورہ خط میں سکسٹین اے نمبر کے فلیٹ کا واضح ذکر درج ہے جبکہ پاناما پیپرز کے حوالے سے ایک نیوز چینل کو انٹرویو دیتے ہوئے حسین نواز نے کہا تھا کہ آپ کی اطلاعات غلط ہیں، لندن پارک لین میں سکسٹین اے نمبر کو کا کوئی فلیٹ ہی نہیں ہے۔
حسین نواز نے پانامہ پیپرز والوں کو بھی غلط فہمی کا شکار قرار دے دیا لیکن قطری شہزادے کے خط میں اُسی نمبر کے فلیٹ کا حوالہ بھی ہے جس کی حسین نواز پروزور تردید کرتے رہے ہیں۔
اب حسین نواز سچے یا پھر قطری شہزادے کی یاد داشت گڑبڑا گئی ہے کہ اپنے خط میں فلیٹ نمبر سکسٹین اے کا ذکر بھی کردیا۔ کون سچا ہے اور کون جھوٹا؟ یہ فیصلہ عدالت نے کرنا ہے۔
