حیدرآباد ریلوے اسٹیشن بڑی تباہی سے بال بال بچ گیا، اسٹیشن پر چند گھنٹے میں 2 ٹرینیں پٹری سے اترنے کے واقعات پیش آئے جس کے بعد انتظامیہ فوری حرکت میں آگئی۔
اے آر وائی نیوز کی رپورٹ کے مطابق کراچی سے راولپنڈی جانے والی پاکستان ایکسپریس کی ایک بوگی پٹری سے اتری واقعے کے باعث اپ ٹریک عارضی طور پر بند ہوا۔
ریلوے کا تکنیکی عملہ فوری طورپر موقع پر پہنچا اور مرمتی کام شروع کردیا بعد ازاں ایک مال بردار ٹرین کی 3بوگیاں بھی حیدرآباد اسٹیشن پر پٹری سے اتریں۔
ذرائع کے مطابق حیدرآباد ریلوے اسٹیشن پلیٹ فارم نمبر ایک پر مال گاڑی کی بوگیاں اتری ہیں مال گاڑی کی بوگیوں دو بوگیوں نے پلیٹ فارم کے بڑے حصے کو اکھیڑ دیا بوگیاں پٹری سےاترنے کی وجہ سے ریلوے لائن کا بڑا حصہ بھی اکھڑ گیا۔
کراچی سے راولپنڈی جانے والی پاکستان ایکسپریس کی اکانومی کلاس کی بوگی پٹری سے اتر گئی،ذرائع کا کہنا ہے کہ بوگی پٹری سے اترنے کے حادثے میں تمام مسافر محفوظ ہیں۔ پاکستان ایکسپریس کی بوگی پٹری سے اترنے سے اپ ٹریک بلاک ہوگیا۔
واقعے کی اطلاع ملتے ہی ڈی ایس کراچی محمود الرحمان لاکھو نے حیدرآباد پہنچ کر صورتحال کا جائزہ لیا اور خود بحالی کے کام کی نگرانی کی۔
ڈی ایس کراچی محمودالرحمان نے میڈیا سے گفتگو کرتیے ہوئے بتایا کہ دونوں ریل گاڑیاں منزل کی جانب روانہ ہوچکی ہیں، ریلوے انتظامیہ کسی بھی ہنگامی صورتحال سے نمٹنے کیلئے ہمہ وقت تیار ہے۔
