حیدرآباد: بھارت کے شہر حیدرآباد میں میں ایک نشے میں مدہوش شخص کو خاتون نے پیٹ پیٹ کر قتل کردیا۔
بھارتی میڈیا کے مطابق یہ واقعہ راجندر نگر پولیس اسٹیشن کے حدود میں واقع بدویل میں پیش آیا، جہاں مقامی سرینواس نامی شخص رات دیر گئے جیہ نامی خاتون کے گھر میں گھس گیا اور اسکے ساتھ زبردستی جنسی ہراسانی کی کوشش کی۔
رپورٹ میں کہا گیا کہ اس دوران خاتون نیند سے بیدار ہوئی تو سرینواس بھاگنے لگا تاہم توازن کھو جانے کی وجہ سے وہ گرپڑا جس کے بعد خاتون نے اس پر پائپ سےحملہ کردیا اس حملے میں اس شخص کی جان چلی گئی۔
بھارتی میڈیا کا کہنا ہے کہ بُری طرح سے پٹائی کے نتیجے میں شراب کے نشہ میں مدہوش سرینواس کی موت کے بعد خاتون اپنے گھر میں چلی گئی اور دروازہ بند کرکے سو گئی۔
جب صبح پڑوسیوں نے خاتون کے مکان کے سامنے نعش دیکھا تو پولیس کو اطلاع دی۔ بعد ازاں خاتون ن اپنے شوہر کے ساتھ راجندر نگر پولیس اسٹیشن میں سرینڈر کردیا۔
