حیدرآباد : گھروں پر چوری میں ملوث گروہ کا سربراہ ڈپٹی میئر حیدرآباد کا بھانجا نکلا، پولیس نے دو ملزمان کو گرفتار کرلیا۔
اے آر وائی نیوز کے نمائندے جام فرید لاکھو کی رپورٹ کے مطابق حیدرآباد میں سخی پیر اور اےسیکشن پولیس نے مشترکہ کارروائی کرتے ہوئے شہر کے مختلف گھروں میں چوری میں ملوث 2رکنی گینگ گرفتار کرلیا۔
- Advertisement -
پولیس حکام کے مطابق گرفتار ملزمان میں رضوان قریشی اور شجاعت راجپوت شامل ہیں، گرفتار ملزم رضوان قریشی ڈپٹی میئرحیدرآباد صغیر قریشی کا بھانجا ہے۔
ابتدائی تحقیقات میں ملزمان کے قبضے سے لاکھوں روپے مالیت کے طلائی زیورات، پرائزبانڈ اور نقدی برآمد ہوئی ہے۔
