حیدرآباد میں گیس فلنگ دکان میں سلنڈر دھماکے کا ایک اور زخمی کراچی کے سول اسپتال میں دم توڑ گیا۔
تفصیلات کے مطابق حیدرآباد میں سلنڈر دھماکے کا ایک اور زخمی آج سول اسپتال کراچی کے برنس وارڈ میں دوران علاج دم توڑ گیا، واقعے میں جاں بحق افراد کی تعداد 10 ہوگئی۔
اسپتال انتظامیہ کا کہنا ہے کہ سول اسپتال میں 13 زخمی زیر علاج ہیں جن میں سے 7 کی حالت تشویشناک ہے۔
- Advertisement -
واضح رہے کہ 2 روز قبل حیدرآباد کے علاقے پریٹ آباد میں گیس سلنڈر کی دکان میں دھماکا ہوا تھا جس کے بعد آگ بھڑک اٹھی تھی۔
آتشزدگی کےباعث دکان میں موجود سلنڈر دھماکوں سے پھٹ گئے تھے، دھماکے اور آتشزدگی سےآس پاس کی عمارتوں کو بھی نقصان پہنچا تھا۔
