بھارت میں حیدرآباد کے پرانے شہر میں بے رحم شوہر نے بیوی کو قتل کرنے کے بعد لاش کو آگ لگادی۔
بھارتی میڈیا رپورٹس کے مطابق بنڈلہ گوڑہ ہاشم آباد کے فیاض قریشی (25) سال اور قمر بیگم (23) کی شادی کو چند سال ہی ہوئے تھے۔
شوہر اپنی بیوی پر شک کرتا تھا، جس کے باعث اکثر دونوں میں لڑائی جھگڑا رہتا تھا، گزشتہ روز دونوں کے درمیان اسی بات پر لڑائی ہوئی، شوہر نے طیش میں آکر خنجر سے بیوی کو قتل کردیا اس کے بعد پیٹرول چھڑک کر لاش کو بھی جلا ڈالا۔
پولیس کا اس حوالے سے کہنا ہے کہ شوہر کے خلاف قتل کا مقدمہ درج کرکے ملزم کی تلاش شروع کردی گئی ہے۔
اس سے قبل بھارت کے گجرات کے تاپی ضلع کے اچل تعلقہ کے سندر پور گاؤں میں سنگدل بیٹے نے اپنے باپ کو قتل کردیا۔
شادی کے مسئلے کو لے کر بیٹے کی اپنے باپ سے تلخ کلامی ہوئی، جھگڑے کے باعث سنگدل بیٹے نے سوئے ہوئے باپ کو ڈنڈے سے حملہ کر کے موت کی نیند سلادیا۔
پولیس کے مطابق 73 سالہ شیواجی وساوا کو اسپتال منتقل کیا گیا جہاں ڈاکٹروں نے اس کی موت کی تصدیق کردی، پولیس نے فوری کارروائی کرتے ہوئے قاتل کو گرفتار کرلیا۔
رپورٹ کے مطابق ملزم ہرپال وساوا اکثر اپنے والد سے جھگڑا کرتا تھا کہ میری شادی کیوں نہیں کرارہے، اس پر باپ کا کہنا تھا کہ پہلے کچھ کام کرلو، کھیت میں دھان کی فصل کاٹ لو، اس کے بعد میں شادی کرا دونگا۔
آئی ٹی کی طالبہ نے ہاسٹل میں زندگی کا خاتمہ کرلیا
ملزم نے اپنے والد کو لوہے کی سلاخ سے سر پر وار کر کے زخمی کر دیا۔ محلے کے چند افراد اسے اسپتال لے کر پہنچے، مگر ڈاکٹروں نے اس کی موت کی تصدیق کردی، پولیس نے قتل کا مقدمہ درج کرکے مزید کارروائی کا آغاز کردیا ہے۔
