حیدر آباد کے علاقے قاسم آباد میں فائرنگ سے خاتون وکیل اور ان کے بھائی کو قتل کر دیا گیا جبکہ اس ملوث ملزم نے خودکشی کر لی۔
رپورٹ کے مطابق کار سوار ملزم نے پہلے موٹر سائیکل کو ٹکر ماری جس سے خاتون وکیل اور ان کا بھائی سڑک پر گر گئے۔ اس کے بعد ملزم نے ان پر فائرنگ کر دی۔
ملزم کی فائرنگ سے خاتون موقع پر ہی جاں بحق ہوگئیں جبکہ بھائی کو شدید زخمی حالت میں اسپتال منتقل کیا گیا جہاں وہ دورانِ علاج دم توڑ گیا۔
کار میں بیٹھے ملزم نے فائرنگ کرنے کے بعد گاڑی میں خود کو گولی مار کر زندگی کا خاتمہ کر لیا۔ پولیس پولیس واقعے کی تفتیش کر رہی ہے۔
