سینئر سیاست دان شیخ رشید احمد نے کہا ہے کہ ذمہ داران سےاپیل کی ہےکہ ملک کوالیکشن کی طرف جانا چاہیے نمبرون سےدوستی اورنمبرون سےدشمنی کرتا ہوں اس وقت جوبھی عمران خان کوچھوڑےگاوہ اپنی سیاست کو دفن کرے گا۔
اے آر وائی نیوز کے پروگرام الیونتھ آور میں گفتگو کرتے ہوئے شیخ رشید نے کہا کہ جو عوام کی سیاست کرتاہےوہ اس وقت عمران خان کوبالکل نہیں چھوڑے گا عمران خان کیساتھ کھڑاہوں کسی ادارےنےمجھےتنگ نہیں کیا الیکشن عید کے بعد ہوں یا پہلے ن لیگ کی سیاست دفن ہوگئی ہے۔
انہوں نے کہا کہ پیپلزپارٹی نے اسمارٹ فیصلہ کیا اہم وزارتیں بھی اپنے پاس رکھیں پیپلزپارٹی نےن لیگ کو آگے رکھ کر سیاسی فائدہ اٹھایا ہے۔
شیخ رشید نے دعویٰ کیا کہ فوری اسمبلیاں کیوں نہیں توڑ رہے میرا خیال ہے 5،8 دن میں اچھی خبریں آئیں گی اسمبلی ٹوٹنے اورالیکشن کی تاریخ آنےکی دیر ہے پی ڈی ایم کو امیدوار نہیں ملیں گے الیکشن ابھی ہوں یادوماہ بعد پی ڈی ایم کی سیاست دفن ہوگئی ہے موجودہ حکومت کیساتھ بہت بڑا ہاتھ ہو گیا ہے ان کی سیاست ختم ہوگئی ہے پی ٹی آئی مقبول ہے آئندہ حکومت پاکستان تحریک انصاف کی ہوگی۔
ان کا کہنا تھا کہ نوازشریف بڑی مشکل سے باہر گئے ہیں وہ پاکستان واپس نہیں آئیں گے شہبازشریف پہلے اپنے بھائی کو پاکستان لائیں جو بڑے سرمایہ کار ہیں، پردے کے پیچھے الیکشن سے متعلق کام شروع ہو گیا ہے وزیراطلاعات کو اوپر سےجوہدایت ہوتی ہیں وہ اسےکرنا ہوتا ہے کمپنی کی مشہوری کیلئےکل ای سی سی نے 2 ارب روپےکی منظوری دی ہے۔
