صدر مملکت ڈاکٹر عارف علوی نے سابق وزیراعظم کے انتقال کی خبر کو غلط قرار دیتے ہوئے ظفراللہ جمالی کے انتقال سے متعلق اپناٹوئٹ ڈیلیٹ کر دیا۔
صدرعارف علوی نے ٹوئٹر پر جاری بیان میں لکھا کہ غلط انفارمیشن کی بنیاد پر میں نے سابق وزیراعظم کے انتقال کی غلط خبر کا ٹوئٹ کیا جس پر اپنا ٹوئٹ ڈیلیٹ کر دیا ہے اور غلط معلومات کے ٹوئٹ پر معذرت خواہ ہوں۔
صدرعارف علوی نے لکھا کہ ظفراللہ جمالی کےبیٹےسےابھی بات ہوئی ہے، ظفراللہ جمالی ابھی وینٹی لیٹرپرہیں اللہ انہیں صحت دے۔
I have deleted the Tweet, based on wrong info with apologies to the family. Mir Zafrullah Jamali is on the ventilator. I talked to Omar Jamali who confirmed this. May Allah grant him immediate recovery.
— Dr. Arif Alvi (@ArifAlvi) November 30, 2020
اس سے قبل صدرِ مملکت نے ٹوئٹ پر کہا تھا کہ سابق وزیراعظم میرظفر اللہ خان جمالی انتقال کر گئے ہیں، صدر مملکت عارف علوی نے سابق وزیراعظم ظفراللہ جمالی کےانتقال پر اظہار افسوس کرتے ہوئے کہا تھا کہ سابق وزیراعظم ظفراللہ جمالی کےانتقال پرانتہائی افسوس ہے، اللہ مرحوم کےدرجات بلند اور اہل خانہ کو صبر دے۔
دل کا دورہ پڑنے پر سابق وزیراعظم کو راولپنڈی کے اسپتال منتقل کیا گیا تھا اور وہ اے ایف آئی سی کےسی سی یو میں زیرعلاج ہیں۔
