The news is by your side.

Advertisement

مجھے سیکیورٹی کی ضرورت نہیں ہے ‘ میئرکراچی

کراچی: میئرکراچی وسیم اخترکا کہنا ہے کہ کراچی کے عوام ساتھ ہیں، شہریوں کی محبت کافی ہے، مجھے سیکیورٹی کی ضرورت نہیں ہے.

تفصیلات کے مطابق میئرکراچی وسیم اختر نے اپنے خیالات کا اظہار کرتے ہوئے کہا کہ ترقیاتی کاموں میں پیسے کا درست استعمال ہونا چاہئے، ترقیاتی کاموں کی وجہ سے عوام کو مشکلات کا سامنا ہے.

انہوں نے کہا کہ کوشش ہے یونیورسٹی روڈ وقت سے پہلے مکمل کیا جائے، سندھ حکومت تمام اختیارات اپنے پاس رکھنا چاہتی ہے، کراچی کے عوام کا پیسہ ہے، میں خود کراچی کا ہوں ، کوئی غلط کام نہیں ہونے دوں گا.

مئیر کراچی نے مزید کہا کہ کراچی کے عوام ساتھ ہیں، شہریوں کی محبت کافی ہے ،مجھے سیکیورٹی کی ضرورت نہیں ہے، سندھ حکومت کی خواہش ہے کہ وہ سارے اختیارات اپنے پاس رکھیں ،جبکہ میرے پاس جواختیارات ہیں وہ سب کو پتہ ہے.

وسیم اختر کا کہنا تھا کہ پانچ فروری کو چھ سال بعد واٹر بورڈ کا ایک اجلاس ہوا ہے،یہ آٹھ سال کا بگاڑ ہے، افراتفری ہے، کچھ بھی ٹھیک نہیں ہے، مگر ہم ٹھیک کرنے کی کوشش میں ہیں.

واضح رہے کہ گذشتہ ماہ حساس اداروں کی جانب سے کہا گیا تھا کہ میئرکراچی وسیم اختر کو متحدہ قومی موومنٹ لندن کے کارکنان کی طرف سے جان کو خطرہ لاحق ہے اس لیے ان کو تحفظ فراہم کیا جائے.

یہاں‌پڑھیں:وسیم اختر کی جان کو ایم کیو ایم لندن سے خطرہ ہے، حساس ادارے

بعد ازاں مئیر کراچی وسیم اختر نے بھی سیکیورٹی کے لئے معتقلہ ادارے کو خط لکھا تھا.

letter

Print Friendly, PDF & Email

Comments

comments

یہ بھی پڑھیں