واشنگٹن : امریکی خاتون نے اپنی107ویں سالگرہ مناتے ہوئے انکشاف کیا کہ ’میری لمبی زندگی کا راز شادی نہ کرنا،صحت مند غذا کھانا،روزانہ ورزش کرنا اور زیادہ اطالوی غذا کھانا ہے۔
تفصیلات کے مطابق نیو یارک کے شہر برونز سے تعلق رکھنے والی لوئس سگنور نے کہاکہ ان کی طویل زندگی کا راز روزانہ ورزش کے ساتھ ساتھ ہمیشہ صحت مندانہ غذا اور زیادہ تر اطالوی کھانوں کا استعمال کرنا ہے ، مگر ان کے خیال میں ایک صدی سے زائدزندگی گزارنے کی اصل وجہ ان کا غیر شادی شدہ رہناہے۔
لوئس سگنور نے بتایا کہ میں ابھی بھی روزانہ ورزش اور میوزک کے ساتھ ڈانس کرتی ہوں، دوپہر کے کھانے کے بعد بنگو گیم کھیلنا بہت پسندہے، میرا سارا دن بہت خوشگوار ہوتا ہے، 107 سال کی عمر میں بھی میں بھرپور متحرک زندگی گزار رہی ہوں۔
لوئس سگنو کی بہن کی عمر 102 سال ہے، اپنی عمر کے حوالے سے ان کا کہناتھا کہ کاش میں بھی شادی نہ کرتی۔
لوئس سگنور نے اپنی سالگرہ کے لیے خریدوفروخت بھی خود کی جبکہ ان کی سالگرہ میں 100 سے زائد افراد نے شرکت کی۔
غیر ملکی خبر رساں ادارےکے مطابق لوئس سگنور کی طویل عمری کا ایک راز جینیاتی بھی ہوسکتا ہے کیوں کہ ان کی 102 سالہ بہن ابھی تک زندہ اور بہتر حالت میں ہیں۔
واضح رہے کہ لوئس سگنور اور ان کی بہن نیویارک میں رہنے والی سب سے عمر رسیدہ خواتین ہیں،اس وقت دنیا کی سب سے عمر رسیدہ 114 سالہ خاتو ن الیلیا مرفی ہیں جن کاتعلق امریکا سے ہے، مگر وہ نیویارک کے شہر ہارلم میں رہائش پزیر ہیں۔
