آئیسولیشن میں موجود کینیڈا کے وزیراعظم جسٹن ٹروڈو کا کورونا ٹیسٹ مثبت آ گیا۔
کینیڈین وزیراعظم نے ٹوئٹر پر جاری بیان میں کورونا ٹیسٹ مثبت آنے کی تصدیق کرتے ہوئے بتایا کہ آج صبح ان کا کوویڈ 19 کا ٹیسٹ مثبت آیا ہے لیکن کوئی علامات نہیں ہیں اور وہ خود کو ٹھیک محسوس کر رہے ہیں۔
انہوں نے کہا کہ وزارت صحت کے وضع کردہ رہنما اصولوں کی پاسداری کر ر ہے ہیں۔ وزیراعظم نے عوام سے اپیل کی ہے کہ وہ کورونا ویکسین کے ساتھ ساتھ بوسٹر بھی لگوائیں۔
دو روز قبل بیٹے کا کورونا ٹیسٹ مثبت آنے پر جسٹن ٹروڈو آئیسولیشن میں چلے گئے تھے۔ انہوں نے کہا تھا کہ بیٹا کورونا کا شکار ہوا ہے اور احتیاطی تدابیر کے تحت وہ خود کو قرنطینہ کر رہے ہیں۔
This morning, I tested positive for COVID-19. I’m feeling fine – and I’ll continue to work remotely this week while following public health guidelines. Everyone, please get vaccinated and get boosted.
— Justin Trudeau (@JustinTrudeau) January 31, 2022
بین الاقوامی میڈیا رپورٹس کے مطابق سیکیورٹی خدشات کے پیش نظر کینیڈین وزیر اعظم جسٹن ٹروڈو اور ان کی فیملی کو خفیہ مقام پر منتقل کر دیا گیا تھا۔ ہفتے کے روز لوگ پارلیمنٹ کے باہر جمع ہوئے، اور نعرے لگاتے رہے۔
مظاہرین حکومت سے کرونا پابندیاں ختم کرنے کا مطالبہ کر رہے ہیں، کینیڈا میں جبری ویکسینیشن کے خلاف آزادی قافلہ دارالحکومت اوٹاوا پہنچ گیا، سیکڑوں ٹرک ڈرائیوروں اور ہزاروں افراد نے سڑکیں بند کر دیں۔
جسٹن ٹروڈو فیملی سمیت خفیہ مقام پر منتقل
واضح رہے کہ ویکسین پاسپورٹ کے خلاف برطانیہ، جرمنی، اٹلی، آسٹریلیا، نیوزی لینڈ، امریکا، اسپین، ہالینڈ، سوئٹزرلینڈ اور آسٹریا میں ہر ہفتے ہزاروں افراد مظاہرے کر رہے ہیں۔
