برسٹل : جارح مزاج پاکستانی بلے باز آصف علی کا کہنا ہے کہ ٹیم مینجمنٹ جو رول دے گی پورا کرنے کی کوشش کروں گا۔
تفصیلات کے مطابق ورلڈ کپ اسکواڈ میں شامل پاکستان کے مڈل آرڈر بلے باز آصف علی ابتداء میں ورلڈ اسکواڈ کا حصّہ نہیں تھے تاہم انگلینڈ کے خلاف پانچ ایک روزہ میچز کی سیریز میں آصف علی بہترین کارکردگی نے سیکٹرز کو ورلڈ کپ اسکواڈ میں شامل کرنے پر مجبور کردیا۔
آصف علی نے میڈیا سے گفتگو کرتے ہوئے کہا کہ میرا کام ٹیم کے لیے اپنا بہترین کردار ادا کرنا ہے، ٹیم مینجمنٹ جورول دےگی پوراکرنےکی کوشش کروں گا۔
ورلڈ کپ میں انفرادی ریکارڈ کے اسکور کرنے کے بجائے ٹیم کی مجموعی کارکردگی پر فوکس کرتا ہوں اور اجتماعی اسکور میں اپنا حصّہ شامل کرنے کو ترجیح دیتا ہوں۔
واضح رہے کہ جارح مزاج بلے باز کو کرکٹر عابد علی کی جگہ اسکواڈ میں شامل کیا گیا تھا۔
کرکٹر آصف علی کا کہنا تھا کہ انگلینڈ کے خلاف سیریز کھلنے سے بہت فائدہ ملا، زیادہ اوورز کھیلنے سے شارٹ کھیلنا آسان ہوجاتا ہے، کوشش کرتا ہوں اننگز کے اختتام میں تیز رنز اسکور کروں۔
کرکٹر کا کہنا تھا کہ پہلے بلے بازی کا موقع ملتا ہے کہ بیٹنگ کا انداز مختلف ہوتا ہے کہ وگرنہ میری بنیادی ذمہ داری ہٹنگ کرنا ہے۔
آصف علی کا کہنا تھا کہ میں نے کبھی نہیں سوچا تھا کہ کرکٹ کے عالمی کپ کے لیے اسکواڈ کا حصّہ بنو گا بس یہہ خیال تھا کہ جو قسمت میں ہوگا وہ ملے گا۔
مزید پڑھیں : قومی کرکٹرآصف علی کی کمسن بیٹی انتقال کرگئیں
یاد رہے قومی کرکٹر آصف علی کی بیٹی امریکا میں کینسر کے باعث انتقال کرگئیں تھیں، ننھی فاطمہ امریکا میں زیر علاج تھی، آصف علی اپنی بیٹی سے دور انگلینڈ میں تھے، جہاں انہیں بچی کےانتقال کی خبرملی تھی، جس کے بعد وہ پاکستان آگئے تھے۔
قومی کرکٹر آصف علی کا کہنا تھا کہ دردناک سانحے میں اہل خانہ اور دوستوں نے بھرپور ساتھ دیا جس کے باعث ورلڈ کپ کے لیے اپنے کھیل پر توجہ مرکوز کرسکا۔
