معروف بالی ووڈ اداکار رنبیر کپور کا کہنا ہے کہ انہوں نے بچپن میں اپنی والدہ سے بہت مار کھائی ہے، والدہ نے انہیں سگریٹ پیتے ہوئے پکڑ لیا تھا اور وہ سمجھیں کہ رنبیر نشہ کر رہا ہے۔
اپنی نئی فلم کی پروموشن کے لیے حال ہی میں دیے گئے ایک انٹرویو میں رنبیر نے بتایا کہ پہلا سگریٹ پیتے ہی ان کی والدہ نیتو کپور نے انہیں پکڑ لیا تھا، وہ ان کی زندگی کا بہت مشکل وقت تھا۔
رنبیر کا کہنا تھا کہ والدہ سمجھیں کہ میں ہیروئن پی رہا ہوں، وہ بہت پریشان ہوگئی تھیں، میں نے ان سے اس وقت معافیاں مانگیں اور میں خود بھی بہت پریشان تھا۔
اداکار نے بتایا کہ وہ بچپن میں بہت شرارتی تھے، اس وجہ سے انہوں نے اپنی والدہ سے بہت ماریں کھائیں ہیں، ’لیکن اب میں بہت بدل گیا ہوں‘۔
خیال رہے کہ رنبیر کپور کی نئی فلم تو جھوٹی میں مکار ایک روز قبل ہی ریلیز ہوئی ہے جسے ملے جلے ردعمل کا سامنا ہے، فلم میں شردھا کپور نے ان کے مقابل ہیروئن کا کردار ادا کیا ہے۔
