The news is by your side.

Advertisement

عمران خان کی طرح پاکستان کا جارحانہ کپتان بننا چاہتا ہوں،بابر اعظم

لاہور: ون ڈے اور ٹی ٹوینٹی ٹیم کے کپتان بابر اعظم کا کہنا ہے کہ عمران خان کی طرح پاکستان کا جارحانہ کپتان بننا چاہتا ہوں۔

تفصیلات کے مطابق قومی کرکٹ ٹیم کے مایہ ناز بیٹسمین بابر اعظم نے ون ڈے کا کپتان بنانے پر پی سی بی کا شکریہ ادا کرتے ہوئے کہا کہ
انڈر 19 میں کپتانی کا اور پھر ٹی 20 میں کپتانی کا تجربہ ہے۔

بابر اعظم کا کہنا تھا کہ ون ڈے کی کپتانی کے چیلنج کے لیے تیار ہوں،پی سی بی کو لگا میں ذمہ داری لے سکتا ہوں، اس لیے کپتانی دی، کپتانی میں فیصلے خود کرتا ہوں،کپتانی انجوائے کر رہا ہوں، انگلینڈ ٹور پر پی سی بی کھلاڑیوں سے بات کر کے فیصلہ کرےگا۔

قومی کرکٹ ٹیم کے کپتان نے کہا کہ امید ہے کرونا جلدختم ہوگا تو کرکٹ دوبارہ بحال ہوگی،انسان کی زندگی کے آگے کرکٹ کی کوئی اہمیت نہیں ہے۔انہوں نے کہا کہ ورلڈکپ ہونا چاہیے، بحیثیت کپتان پہلا ہوگا۔

بابر اعظم کا مزید کہنا تھا کہ کوہلی سے موازنہ نہیں کیا جائے تو بہتر ہے،عمران خان کی طرح پاکستان کا جارحانہ کپتان بننا چاہتا ہوں۔

بابر اعظم ون ڈے ٹیم کے بھی کپتان مقرر

یاد رہے کہ گزشتہ ہفتے پی سی بی نے قومی کرکٹ ٹیم کے مایہ ناز بیٹسمین بابر اعظم ون ڈے ٹیم کا کپتان مقرر کیا تھا۔

Comments

یہ بھی پڑھیں