نیویارک : سربراہ آئی اے ای اے رافیل گروسی کا کہنا ہے کہ ایران کی جوہری تنصیبات پر امریکی حملوں میں ناقابل تصور تباہی ہوئی ہے۔
تفصیلات کے مطابق سربراہ آئی اے ای اے رافیل گروسی نے ایرانی جوہری تنصیبات پر امریکی حملوں کے حوالے سے کہا ابھی بھی امن اور مذاکرات کو موقع دیاجاسکتا ہے، امن کو موقع نہ دیاگیا تو مزید تباہی اور بربادی ہوگی۔
رافیل گروسی کا کہنا تھا کہ ایٹمی تنصیبات پرحملے کے شدید مخالف ہیں، مشرق وسطیٰ کو امن چاہیے اور راستہ صرف سفارتکاری ہے، آئی اےای اے کے انسپکٹرز کو تنصیبات کےدورے کرنے دیں، آئی اےای اے کی انسپکشن سے امن کو موقع مل سکتا ہے۔
سربراہ آئی اے ای اے نے کہا کہ ایران کی جوہری تنصیبات پر امریکی حملوں میں ناقابل تصور تباہی ہوئی ہے، ایران کی فردو سائٹ پر حملوں کےنشانات واضح ہیں، فردوپریورینیم کی افزودگی 60فیصد تک ہے، فردو میں زیرزمین کتنا نقصان ہوا کوئی بتا نہیں سکتا، انسپکشن تک پتا نہیں لگایاجاسکتا کہ کتنا نقصان ہوا ہے۔
انھوں نے مزید کہا کہ امریکہ نے اصفہان میں یورینیم کی موجودگی کے مقام کو نشانہ بنایا، اصفہان میں سائٹ کےاطراف عمارتوں کو نقصان ہوا ہے . جن میں سے کچھ "یورینیم کی تبدیلی کے عمل سے متعلق ہیں۔
گروسی کا کہنا تھا کہ افزودہ مواد کو ذخیرہ کرنے کے لیے استعمال ہونے والی سرنگوں کے داخلی راستے بھی متاثر ہوئے ہیں تاہم ایران نےاطلاع دی ہےکہ جوہری تابکاری نہیں ہوئی، ہم تسلسل سے جوہری تنصیبات پرحملوں پرتشویش کا اظہارکرچکے ہیں۔
سربراہ آئی اے ای اے نے کہا کہ نظنز میں، امریکہ نےایندھن کی افزودگی کے پلانٹ کو نشانہ بنایا، ی اے ای اے کے معائنہ کار ہدف شدہ تنصیبات کی جانچ کے لیے تیار ہے۔
گروسی کا کہنا تھا ایران کی جانب سے جوہری ہتھیاروں کے عدم حصول کی یقین دہانی کیلئے ہمیں مذاکرات کی طرف واپس آنا ہوگا، ایران جب اجازت دے گا آئی اے ای اے انسپکٹرز تباہ شدہ سائٹس کا جائزہ لیں گے۔
انھوں نے کہا یواین چاہےتو ایران میں سیفٹی سیکیورٹی گارڈزتعینات کرسکتےہیں، یواین کےتعاون سےہم نیوکلیئرسیفٹی ماہر ایران بھیج سکتےہیں، سفارت کاری کے دروازوں کو بند نہیں کرنا چاہیے۔
،سربراہ آئی اےای اے نے مزید کہا کہ دنیا میں مزید جوہری ہتھیار ہونگے تو دنیا کو محفوظ تصور نہیں کرتے، ایران کو مذاکرات کی میز پر آنا چاہیے۔
