کراچی: ایئر لائنز کی انٹرنیشنل تنظیم ایاٹا نے حکومت پاکستان سے ٹکٹس پر ٹیکس اضافہ واپس لینے کا مطالبہ کر دیا ہے۔
تفصیلات کے مطابق بین الاقوامی ہواٸی سفر کے ٹکٹس پر ٹیکس میں اضافے کے سلسلے میں انٹرنیشنل ایئر ٹرانسپورٹ ایسوسی ایشن (ایاٹا) نے وفاقی وزیر خزانہ محمد اورنگزیب کو خط لکھ کر تشویش کا اظہار کر دیا ہے۔
ایاٹا نے حکومت سے ہواٸی سفر پر ٹیکس اضافے کو فوری واپس لینے کا مطالبہ کیا ہے، خط میں لکھا گیا ہے کہ پاکستان میں حالیہ بجٹ میں اچانک بین الاقوامی ہواٸی سفر کے ٹکٹس پر ٹیکس 150 فی صد تک اضافہ کیا گیا، اس عمل سے پاکستان کے لیے ہواٸی سفر اور سیاحت میں کمی ہوگی۔
خط میں مزید لکھا گیا ہے کہ ٹکٹس پر ٹیکس میں اضافے سے قبل تمام اسٹیک ہولڈرز کو چند ماہ قبل اعتماد میں لینا لازمی ہوتا ہے، فضاٸی سفر کے ٹکٹ پر عجلت میں ٹیکس بڑھانے کے فیصلے کو حکومت پاکستان فوری واپس لے۔
خط کے مطابق ٹیکس شرح بڑھنے سے ٹریول ایجنٹس اور ایئر لاٸن کا کاروبار متاثر ہوگا، اور ٹیکس میں اچانک اضافہ عالمی سول ایوی ایشن قوانین کی خلاف ورزی ہے۔
