تازہ ترین

پاکستان نے مختلف ایئر لائنز کے لاکھوں ڈالرز ادا نہیں کیے

کراچی: انٹرنیشنل ایئر ٹرانسپورٹ ایسوسی ایشن کی رپورٹ کے مطابق پاکستان نے مختلف ایئر لائنز کے 225 ملین ڈالر ادا نہیں کیے، ادائیگیاں روکنے والے ممالک میں پاکستان پانچویں نمبر پر ہے۔

تفصیلات کے مطابق انٹرنیشنل ایئر ٹرانسپورٹ ایسوسی ایشن نے ایئر لائنز کی ادائیگیاں بلاک کرنے والی 27 ممالک کی کمپنیوں کی فہرست جاری کردی، پاکستان اس فہرست میں پانچویں نمبر پر شامل ہے۔

رپورٹ میں کہا گیا ہے کہ پاکستان میں مختلف ایئر لائنز کے 225 ملین ڈالر ادا نہیں کیے گئے، معاشی پریشانیوں کے باعث تمام 27 ممالک نے ایئر لائنز کے فنڈز روکے ہوئے ہیں۔

رپورٹ کے مطابق نائیجیریا نے 551 ملین ڈالر، بنگلہ دیش نے 208 ملین ڈالر، لبنان نے 144 ملین ڈالر اور الجزائر نے 140 ملین ڈالر بلاک کیے ہیں۔

رپورٹ میں کہا گیا کہ گزشتہ 6 ماہ میں مختلف ممالک نے 2 ارب ڈالر بلاک کیے جن کی ادائیگیاں نہیں ہوسکیں۔

Comments

- Advertisement -