برمنگھم :قومی کرکٹ ٹیم اپنا دوسرا اور اہم میچ آج جنوبی افریقا کے خلاف کھیلے گی ،قومی ٹیم دو تبدیلیوں کے ساتھ میدان میں اترے گی۔
تفصیلات کےمطابق آئی سی سی چیمپئنز ٹرافی میں آج پاکستان اورجنوبی افریقہ کی ٹیمیں آمنے سامنے ہوں گی،جنوبی افریقہ اپنا ایک میچ جیت چکی ہے جبکہ پاکستان کو اپنے پہلے میچ میں بھارت کے خلاف شکست کاسامنا کرنا پڑا تھا۔
جنوبی افریقہ کے خلاف میچ میں دو تبدیلیوں کے ساتھ قومی ٹیم میدان میں اترے گی،احمد شہزاد کی جگہ فخر زمان کو کھلایا جائے گا جبکہ وہاب ریاض کی جگہ جنید خان کھیلیں گے۔
پاکستان کو ٹورنامنٹ میں رہنے کے لیے میچ جیتنا لازمی ہے،شکست کی صورت میں سیمی فائنل تک رسائی تقریباً ناممکن ہوجائے گی،یعنی اب غلطی کی کوئی گنجائش نہیں۔
یاد رہےکہ گزشتہ روز پاکستان کرکٹ ٹیم کے کپتان سرفراز احمد نے میڈیا سے گفتگو کرتے ہوئے کہا تھا کہ ٹیم کے مڈل آرڈر میں حفیظ اور شعیب ملک ہیں ضرورت پڑی تو وہ اوپر کے نمبر پر بیٹنگ کرسکتے ہیں ۔
بھارت نے پاکستان کو 124رنز سے شکست دے دی
واضح رہےکہ بھارت کے خلاف ایونٹ کے پہلے میچ میں 124 رنز کی شکست کے بعد پاکستان کو سیمی فائنل مرحلے میں رسائی کیلئے اگلے دونوں میچوں میں لازمی فتح درکار ہے۔