چیمپئنز ٹرافی 2017 کی فاتح ٹیم کے فاسٹ بولر محمد عامر نے کہا ہے کہ بابراعظم کو نمبر 3 پر ہی کھیلنا چاہیے۔
قومی ٹیم کے فاسٹ بولر محمد عامر نے نجی ٹی وی کے پروگرام میں گفتگو کرتے ہوئے کہا کہ 29 سال بعد آئی سی سی کا ایونٹ ہورہا ہے ان سب کا کریڈٹ پی سی بی کو جاتا ہے۔
محمد عامر نے کہا کہ شائقین کیلئے خوشی کی بات ہے کہ پاکستان میں یہ ایونٹ ہونے جارہا ہے، قوم کو مایوس نہیں ہونا ہے ہماری ٹیم بھی اچھا کھیلے گی۔
آئی سی سی پلیئرز رینکنگ: ون ڈے میں بابر کی پہلی پوزیشن 4 سال بعد چھن گئی
انہوں نے کہا کہ 2017 کے چیمپئنز ٹرافی میں رینکنگ میں پاکستانی ٹیم آٹھویں نمبر پر تھی، اور پاکستانی ٹیم کسی کی بھی فیورٹ ٹیم نہیں تھی، اس دفعہ کی صورتحال بھی ایسی ہی ہے۔
محمد عامر نے کہا کہ پاکستان ٹیم کی خوبصورتی ہے کہ آپ اس ٹیم کے لیے کوئی پیشگوئی نہیں کرسکتے کیوں کہ کبھی بھی میچ کا پانسہ پلٹ جاتا ہے اور ہماری ٹیم جیت جاری ہے۔
فاسٹ بولر کا کہنا تھا کہ میں بابر کے اوپنر آنے کے حق میں نہیں ہوں، بابر بڑا کھلاڑی ہے لیکن مجھے لگتا ہے کہ اسے نمبر تین پر ہی کھیلنا چاہیے، وہ نمبر 3 کا بیسٹ پلئیر ہے۔
محمد عامر نے کہا کہ فخر کے ساتھ عثمان اوپن کر سکتے تھے، ہمارے پاس اوپنر کا ایک اچھا کمبینیشن تھا جس سے اچھے رنز ہوسکتے ہیں تو میں سمجھتا ہوں کہ بابر اعظم کو نمبر 3 پر ہی کھیلنا چاہیے۔
واضح رہے کہ بابر اعظم سہ فریقی سیریز کے تین میچوں میں خاطر خواہ کارکردگی نہ دکھا سکے اور صرف 10، 23 اور 29 رنز بنا کر آؤٹ ہوگئے تھے جس کے بعد قومی ٹیم کے سابق کھلاڑیوں نے ٹیم انتظامیہ کو مشورہ دیا ہے کہ وہ بابر کو نمبر تین پر کھلائیں۔
