اوول : قومی ٹیم کے کھلاڑیوں نے آئی سی سی چیمپئنز ٹرافی ہی نہیں قوم کے دل بھی جیت لیے، میگا ایونٹ میں پاکستان کو ابھرتے ستارے بھی ملے، نواجون کھلاڑیوں نے ثابت کیا کہ ہم کسی سے کم نہیں ہیں۔
فخر زمان کی برق رفتار بیٹنگ، حسن کی تیز ترین بولنگ اور شاداب کی گھومتی گیندوں نے ثابت کردیا کہ پاکستانی کسی بھی طرح کسی سے کم نہیں۔
یہ سب پاکستان کرکٹ کے ابھرتے ستارے ہیں۔ چیمپیئنز ٹرافی میں ہی مردان کے فخر زمان نے شاندار انٹری دی۔ دو نصف سنچریاں اورایک سنچری بنا کر دنیا کی توجہ حاصل کی۔
قومی ٹیم کا ایک اور ابھرتا ستارہ حسن علی جس نے پاکستان کے لیجنڈ بولرز کی یاد تازہ کی۔ حسن علی کی ان سوئنگ، آؤٹ سوئنگ بالوں اور ان کے وکٹ لینے کے بعد جشن منانے کا انداز ہٹ خوب ہٹ ہوگیا۔
ٹیم کے سب سے کم عمر رکن شاداب خان بھی بڑوں بڑوں پر بھاری پڑے ۔ان کی گھومتی گیندوں نے سب کے چھکے چھڑادیئے، ان تین کھلاڑیوں نے ثابت کرکے دکھا دیا کہ پاکستان میں ٹیلنٹ کی کوئی کمی نہیں۔
