The news is by your side.

Advertisement

“مستقبل میں آئی سی سی میگا ایونٹ کی میزبانی کسے ملے گی؟ “

دبئی: مستقبل میں کرکٹ ایونٹ کی میزبانی کن کن ممالک کو دی جائے گی؟، آئی سی سی نے سر جوڑ لیا ہے۔

تفصیلات کے مطابق آئی سی سی نے دو ہزار چوبیس سے دو ہزار اکتیس تک کے ایونٹ کی میزبانی کی کارروائی شروع کردی ہے، اس عرصے میں ایک روزہ میچزکے دو ورلڈکپ، چار ٹی ٹوئنٹی ورلڈکپ اور دو چیمپئنز ٹرافی کھیلی جائیں گی۔

ان میگا ایونٹ کی میزبانی کے خواہاں ممالک نے آئی سی سی سے رجوع کرنا شروع کردیا ہے، جن میں پاکستان بھی شامل ہے،اس کے علاوہ آسٹریلیا ، بنگلہ دیش ، انگلینڈ، بھارت، آئرلینڈ ، ملائشیا ، نمیبیا ، نیوزی لینڈ ، عمان، اسکاٹ لینڈ ، جنوبی افریقہ ، سری لنکا ، ویسٹ انڈیز ، متحدہ عرب امارات ، امریکہ اور زمبابوے بھی اس ڈور میں شامل ہیں۔

آئی سی سی ترجمان کا کہنا ہے کہ طریقہ کار کا اگلہ مرحلہ جلد شروع کیا جائے گا جبکہ میزبان ممالک کا فیصلہ ستمبر میں کیا جائیگا۔

 

Comments

یہ بھی پڑھیں