انٹرنیشنل کرکٹ کونسل ( آئی سی سی) نے ون ڈے میں پلیئرز کی نئی رینکنگ جاری کردی۔
آئی سی سی کی نئی ون ڈے رینکنگ میں بلے بازوں کی فہرست میں پاکستان کرکٹ ٹیم کے سابق کپتان بابر اعظم کی 4 سال بعد پہلی پوزیشن چھن گئی۔
بھارتی بلے باز شھبمن گل نے پاکستان کے سابق کپتان بابر اعظم کو پیچھے چھوڑتے ہوئے دنیا کے ٹاپ رینکنگ ون ڈے بلے باز بن گئے، شھبمن انگلینڈ کے خلاف 3 میچوں کی سیریز میں سنسنی خیز کارکردگی کی وجہ سے پہلی پوزیشن حاصل کی۔
شھبمن گل پچھلے ہفتے تک سابق پاکستانی کپتان بابر سے صرف 5 پوائنٹس کے فاصلے پر تھے، تاہم اب دونوں کے درمیان 15 پوائنٹس کا فاصلہ ہے۔
آئی سی سی کی ون ڈے پلیئرز رینکنگ کے ٹاپ 10 میں کل چار بھارتی بلے باز شامل ہیں جس میں شھبمن گل پہلے، روہت شرما (3)، ویرات کوہلی (6) اور شریاس ایر (9) نمبر پر ہے۔
اس کے علاوہ باؤلنگ رینکنگ میں سری لنکا کے اسپنر مہیش تھیکشنا ون ڈے بولنگ رینکنگ میں پہلی پوزیشن حاصل کرلی ہے انہوں نے افغانستان کے راشد خان کو پیچھے چھوڑ کر پہلی بار پریمیئر پوزیشن حاصل کی ہے۔
