دبئی: انٹرنیشنل کرکٹ کونسل (آئی سی سی ) نے اکتوبر کے لئے آئی سی سی پلیئر آف دی منتھ کے نامزد امیدواروں کا اعلان کردیا۔
تفصیلات کے مطابق آئی سی سی پاکستان کے جارح مزاج بیٹر آصف علی کی گرویدو ہوگئی اور انہیں شاندار پرفارمنس کے باعث آئی سی سی کے پلیئر آف دی منتھ کی فہرست میں شامل کرلیا گیا ہے۔
آئی سی سی کی جانب سے جاری بیان میں کہا گیا کہ پاکستان کے لوئر آرڈر پر بلے بازی کرنے والے آصف علی کو نیوزی لینڈ کے خلاف 12 گیندوں پر برق رفتار 27 رنز اور افغانستان کے خلاف 19 ویں اوور میں چار چھکوں کی شاندار کارکردگی کے باعث نامزد کیا گیا ہے۔
آئی سی سی کے پلیئر آف دی منتھ کی فہرست میں بنگلہ دیش کے آل راؤنڈ شکیب الحسن اور نمیبیا کے آل راؤنڈر ڈیوڈ ویزے کو بھی شامل کیا گیا ہے، شکیب الحسن نے گو کہ انجری کے باعث ورلڈ کپ کے بقیہ میچز سے باہر ہوچکے ہیں۔
اس سے قبل وہ ٹورنامنٹ میں 121 رنز اور 11 وکٹیں حاصل کرچکے تھے۔
یہ بھی پڑھیں: ٹی 20 ورلڈکپ: کینگروز ‘زخمی بنگال ٹائیگرز’ پر جھپٹنے کو تیار
آئی سی سی کے مطابق نمیبیا کے آل راؤنڈر ڈیوڈ ویز ے نے اپنی ٹیم کو ٹی 20 ورلڈ کپ کے سپر 12 مرحلے میں پہنچانے میں اہم کردار ادا کیا جس کےباعث ان کی نامزدگی عمل میں لائی گئی ہے۔
انٹر نیشنل کرکٹ کونسل کا کہنا ہے کہ پلیئر آف دی منتھ کا قرعہ کس کے نام نکلے گا؟ اس کا فیصلہ اگلے ہفتے کردیا جائے گا، ساتھ ہی آئی سی سی نے شائقین کرکٹ سے کہا کہ وہ اپنے بہترین کھلاڑی کو ووٹ دے سکتے ہیں۔
Nominees for the ICC Men's #POTM for October 2021 have been revealed!
Find out which players made it to the list, and don't forget to cast your vote 🗳️
— ICC (@ICC) November 4, 2021
