دبئی: انٹرنیشنل کرکٹ کونسل (آئی سی سی) نے ٹیسٹ کرکٹر آف دی ایئر کے لیے کھلاڑیوں کا اعلان کردیا۔
انٹرنیشنل کرکٹ کونسل کی جانب سے انگلینڈ کے جو روٹ اور بھارت کے روی چندر ایشون کو ٹیسٹ کرکٹر آف دی ایئر کے لیے نامزد کیا گیا ہے۔
روی چندر ایشون کو اس سال 8 میچز میں 52 وکٹیں لینے اور سنچری کے ساتھ 337 رنز بنانے پر نامزد کیا گیا ہے۔
اس کے علاوہ انگلینڈ کے کپتان جو روٹ نے 15 میچز میں 1708 رنز اسکور کیے، ان کی اننگز میں 6 سنچریاں شامل ہیں۔
Four players have been nominated for the ICC Men’s Test Player of the Year 2021 award 📢
Does your favourite cricketer make the list?
Details 👇https://t.co/6RZw7ewNAC
— ICC (@ICC) December 28, 2021
نیوزی لینڈ کے کائل جیمی سن اور سری لنکا کے دیموتھ کرونا رتنے کو بھی ٹیسٹ کرکٹر آف دی ایئر کے لیے شارٹ لسٹ کیا گیا ہے۔
پلیئر آف دی ایئر کا انتخاب ووٹوں کے ذریعے ہوگا جس میں شائقین کرکٹ سال کے بہترین کھلاڑی کا انتخاب کریں گے۔
واضح رہے کہ آئی سی سی 28 سے 31 دسمبر تک مختلف کیٹیگری کے لیے ناموں کا اعلان کرتا رہے گا، فاتح کرکٹرز کا اعلان جنوری میں کیا جائے گا۔
